Für meine Buam Songtext

von Hans Söllner

Und wenn die ganze Welt irgendwann in d? Luft geht,
I sag's euch ehrlich Leut? dann is ma's scheiß egal,
Und wenn's bloß zehn Johr alt werdn, meine Buam,
Dann hamma bloß a Pech g?habt he, dann hamma bloß a Pech g?habt,
Aber die zehn Jahr des versprich I euch, die werden absolut geil.
Ja die zehn Jahr des versprich I euch, die werden absolut geil.

Da wird's koan Hunger geb?n und koane koiden Finger,
Und wennst alloa ned schlaffa mogst, mei, dann schlof I hoid mit dir.
Do wird's koa Angst gebm wennst an Fünfer host im Rechnen
He, des oane sog I da, wennst do an Oanser hättst, dann warst du ned von mir.
Und da wer ned I entscheiden ob deine Haar z'lang san,
Und ned mei Nachbar wird entscheidn obst du z'laut lochst.
Heh, do leg?n ma a Platten auf vom Bob Marley und dann tanz ma mitanand,
Unds ganze Haus derf ruhig mitkrieagn, dass ma glücklich san.
Do wird koa Sunn in da Früa aufgehn ohne dei Locha,
Und sie werd scheinen a wenns regn't, jo dann scheints herin.
Und koane Schuidln mit Verbote werdn di zwingen,
Dass't aufn Teer spuist, wenns no Wiesen für di gibt.
Und I wer scheißn auf die Beurteilung von Lehrern,
Die auf die Haar so an Wert leg?n, ned auf dei Vertraun,
Und die tagtäglich bloß probier?n wieas da dei Rückgrad verbiag?n
Und irgend wann kriegst nimma mit, dass da draußen no Bleamin blian.

Und wenn die ganze Welt irgendwann in d' Luft geht,
Heh, I sag's euch ehrlich Leut' dann is ma scheiß egal,
Und wenn's bloß zehn Johr alt werdn,
Ja dann hamma bloß a Pech gehabt, man, jo wos soll ma doa,
Aber die zehn Johr des versprich I euch, die werden absolut geil.

Do wird's koa Schiaßn gebn und ganz bestimmt gibt's do koan Staat herin.
Und die zehn Johr hobts ihr nix zum locha des konn I euch heit sogn,
Ihr hobts mi damals scho ned kriagt, buits eich ihr allen ernstes ei,
A paar Johr später da gabat I eich meine Buam.
Und wenn I bloß no dafür oabeit dass I sogn konn,
Was I von eich hoit und was ihr olle da drobn für mi seids
Heh I hob mi no nia auf eich verlossn, mochts eich koane Sorgn um uns,
Des schoff ma locker, jo fui besser schoff mas ohne eich.
Do werds koa Frage gebn, I bleib koa Antwort schuidig
Do Wird's koa Macha gebn ohne a Reaktion
Und wennst mit zehn Johr no ins Bett bieselst, he man do muass I wirklich locha.
Uns scheißn wuidfremde Leit jeden Tog die ganze Wohnung scheißens uns zua.
Wir wird'n uns einfach bloß des Recht nehma auf Leben,
Und wenn da 's Schuischwanzen dazu g'hört muass des a so sei.
Wisch da die Tränen ab wennst siehgst, dass a Wald in Flammen steht,
Heh man, die die do vabrennan jo die san olle mit dabei.

Und wenn die ganze Welt irgendwann in d? Luft geht,
Heh, des derfst ma glauben, jo du, donn is ma wirklich scheiß egal,
Und wenn's bloß zehn Jahr alt werdn und jetzt mecht I scho hundert wern, oh man he,
Dann hamma bloß a Pech g'habt, jo man, hamma bloß a Pech g'habt,
Aber die zehn Johr des versprich I euch, die wird'n absolut geil.
Jo de zehn Johr des versprich i, die wird'n absolut geil.