Wann I heit a so zruck denk, denk I an an Schwarzn Dog
Wo mi ganz a liabe Frau zum Essn eiglodn hot
Hob den ganzn Dog ghungert, damits ma gscheit Schmeckt
Und jetz sitz I vor mein Tella und hobs Gfui dass I vareck
I kimm eini und sie frogt, mogst dass durch oda Roh
Derf ruhig roh sei in da Mittn, weils vui bessa Schmeckt aso
Und I hob mi no aso gfreit wias ma den Tella zuara
Drogt
Und jetz sitz I vor dem selbn und hobs Gfui mi Trifft da Schlog
A Wirschinggstell flaggt drauf mit Greafuada Garniert
An Erbssaft zum saufa, dass di vom oschaun scho Friert
Ois Nochspeis a Hand voi Hofa, der is guat für de Zähn
Und ois Höhepunkt gibts Dürrobst mit Moizkaffee
Obs ma schmeckt frogts, aba logisch sog I und pass
Auf dass I net kotz
Ge, des hättst da nia denkt, dass I gar so guat Koch
Und vor allem is des gsünda, do merkt ma no dass Schmeckt
Sie kafft blos no im Biolodn ei drunt am Eck
Seitdem san zwoa Johr vaganga, gestan hob i's Wieda gsehn
Scho vo weidn hots mi griassd und hot mi oglacht Ohne Zähn
Gibt ma d'Hand, eine Bratzn, wia a Klodeckl so Groß
I hob s'Gfui I häng im Schraubstock und des Luada Lasst net los
De Moral von der Gschicht, Leit I muass einfach Sogn
Lebn ma gsund, lebn ma deia, kaff ma ois im Biolodn
Ois wos deia is, is guat, ois wos guat is muass Her
Des is da selbe Scheiß wia da anda, blos vno dem Fress ma mehr