Ade Säge Songtext

von Florian Ast

Ade säge

Du weisch ganz genau dass d liebi fäut u mir tüe nümme lache
I weiss hüt i wohne im liebifäud u du im truebschache
Wär weiss scho wies wiiter geit
U villicht chume i di mau im trueb cho bsueche
Lege üsi aute schueh a u loufe zämme ufe napf ueche

I ha dir nume no schnäu wöue ade säge
Wüll üsi läbe gö jetzt eifach angeri wäge
Hei ja e schöni zyt gha zämme – aber äbe

I wott dir nur no mau eifach e so danke säge
Sisch nüt vergäbe – nei – so spiut s läbe
Doch dr schmid vom schicksau hets nümme wöue zämme häbe

I ghöre d vöugu wider pfiife u im bärgbächli ine z wasser ruusche
Hör uf briefe schriibe –
U tue mi nümme ufem wachturm beluusche
I ha mi chnopf uf da u mi anker het dr bode gfunge
Ha mini usfahrt gno u weiss jetzt
Wo isch obe u wo isch unge

I ha dir nume no schnäu wöue ade säge
Wüll üsi läbe gö jetzt eifach angeri wäge
Hei ja e schöni zyt gha zämme – aber äbe

I wott dir nur no mau eifach e so danke säge
Sisch nüt vergäbe – nei – so spiut s läbe
Doch dr schmid vom schicksau hets nümme wöue zämme häbe

I ha dir nume no schnäu wöue ade säge
Wüll üsi läbe gö jetzt eifach angeri wäge
Hei ja e schöni zyt gha zämme – aber äbe

I wott dir nur no mau eifach e so danke säge
Sisch nüt vergäbe – nei – so spiut s läbe
Doch dr schmid vom schicksau hets nümme wöue zämme häbe