Immer mit dr Ruah Lyrics

Stell dis Handy uf stumm, odr besser gad ganz ab. Vergiss dina Chef mit samta letschta Billanza. Ziit isch für di Luxus wia Sex für Emanza, doch nimm dr sie hüt Obed zum relaxa und tanza, schnapp dr di beschta Bekannta, schnapp dr a Täscha a d'Kanta: Breitbild-Antistress-Propaganda. S Gschäft für di andra, do an Whiskey mit IIIs I stossa uf mis Läba ah und verzichta uf dis. Well mit drissgi bisch rief abr d Ziita sin mies und dr Nervazemmabruch mer nögschta Kriisa ned wiit. Also immer mima lacha, amna Biar, a paar Kolega, immer mit dr Ruah, immer mitm Flegma.

Refrain: Immer mit dr Ruah, immer mitm Beat, I stohna mit mim Nama für min innera Verbliib - Fleeeeegmaaaa- immer mit dr Ruah
- Fleeegmaaaa - immer mitm Beat

Und zum üblicha Frust imana üblicha Job isch dini überstrappazierte Bezüchig an Flopp. Hüfig nid meh als a Lügakomplott anstatt Entspannig an üblera psychischa Knopf.
Versücht und verstopft, tüüf in dim Kopf, goht gad in dem Moment dis Gfüühlslääba hops.
Aba ned verzwiefla, das bügen miar scho grad, wia dr Bush d Wohrheit über da Irak. Zur Therapie empfehla I a ... Melodie, relativ eifach, mais oui, c'est la vie.
Immer no leger, immer no cool, immer no dunne mit Hip-Hop, immer no dune mit cool.

Refrain: Immer mit dr Ruah, immer mitm Beat, I stohn mit minam Nama für min innera Verbliib - Fleeeeeeeeegmaaaaaaaa - immer mit dr Ruah - Fleeeeegmaaaaaa - immer mitm Beat

Du bisch nid z'frieda mit diar, hinterfrogsch di, verzwieflisch, will erschtens nid erfolgrich und zweitens au suss nid riich bisch. Du träumtisch drvo hettisch dr beschte Mercedes, odr dr beschte BMW odr am beschta gad bedes.
Natürlich in Begleitig vo lächlenda Ladies, abr eba hald das koschtet wia Pech in Las Vegas. Vergiss dini Zwiifel und schiis ufs Geld. I zeig dr wohra Riichtum: Mis Konzert!
Posa, singa, reima, fäschta, fiira, springa, schreia, heben d Gläser trinken eina odr meeehh
Posa, singa, reima, fäschta, fira schpringa, schreia, heben d Gläser, trinken eina odr meeeeeeeeeh..

Dadadaa..

Wuh Breitbild