Nacht Songtext

von Breitbild

Am sunntig mittag ufstoh mit verbrennta augabraua,
D sunna schiint ins zimmer und as stinkt wia an aschabecher,
An gschmack im muul wia komposcht und a fleckigs shirt,
Wo mer seit das I han wella trinka, doch nit alls verdaua,
A leeri im portemonnaie, denn so as paar schlaui fraua,
Dia hend geschter so en bsoffna vor spendabla sorta gseh,
A kliises männli I mim kopf wo presslufthämmer het und mit da hämmer,
Gega mini schädeltecki hämmeret,
A bitz ins wanka kho bim uufstoh und go wasser trinka,
Sich beschissa fühla aber trotzdem alles klasse finda,
I liab dr uusgang do, I mag dia lüüt ir stadt, wo um dia hüser züchan,
D stadt bevölkeren bis tüüf ind nacht, und tüüf ind gläser luagen,
Zemma reden und tanzen, dich zur musik im kreis drähen,
Bis si, seelaverwandt sin, d nacht veränderet alles,
D nacht veränderet d menscha, in der nacht do trifft sich a gmeinschaft,
Ohni länder und grenza, I fiir mis woodstock in der nacht,
Mit a bitz help for my friens, mit a bitz biar in my pie,
Und a bitz geld in my pants, am tag do schloft dia stadt,
Doch in der nacht do isch dia stadt wach,

I knöpfa d jacka zua und laufa richtig dunkelheit,
A dunkelheit wo über d berga sternafunkla leit,
Dia erscht laterna kunnt, dia zweit dia dritt,
Si wiisen mer dr wäg ind stadt zu mina spunnta,
Zeigen d routa zur betrunkaheit,
As isch schiisi kalt, mina atem näblig,
Gsehn scho, wia mora uf der wiisa riifa strahlt,
Aber echt, I han das gära, I verwiila no kli drumm
Und gnüssa d atmosphära vo dr stilli vorem sturm,
Doch denn trülli am voluma stell uf zuafälligi wiidergab,
I luaga mini city ah, mit soma verklärta melancholischa flash,
Döt woni wohna khörsch jazz, gseh wia langsam d liachter löschen,
Und I freu mi man, zücha mit dem liad im hörer da kaschtaniabäum entlang,
Und alli, verabredeta ziita verpasst, aber irgendaswo, inra verwinkleta gass,
Findi eu hinterma glas, und denn trinkemer eis, natürlich,
Miar trinken au no meh, und dr ganz ballascht vom alltag löst sich uf,
In guata gspröch, das wird a langi nacht,
Und mahen chandystar bis imma tanzpallascht,
In der nacht do wird dia stadt min ankerplatz.