Feuerwehr-Hymne Songtext

von Biermösl Blosn

Worum geht es in dem Song?

Der Songtext "Feuerwehr-Hymne" von "Biermösl Blosn" handelt von der Tapferkeit und dem Einsatz der Feuerwehrmänner in Ba...

Wer san de tapferstn Bayern, wem duats vor går nix grausn?
Jawoih, des san de Männer von da Feuerwehr vo Hausn!
In eahnara schneidign Uniform werd jede Woch trainiert,
Bei jedem Festumzug wird mit der Fahne mitmarschiert.
Und wenn im Dorf a Bierzoit steht, wo is de Feuerwehr?
Draussen auf den Strassen und regelt den Verkehr!
Wås waar denn unser Hausen wenn ma d'Feuerwehr nicht hätten?
Feuerwehren schützen, Feuerwehren löschen, Feuerwehren retten!

Letzts Jåhr håms unter Todesgefahr a Wepsennest ausgnomma,
Beim Stanglwirt im Biergarten, in da Früah sans erst hoamkomma.
Und a Ölspur håms beseitigt, vom Mofa vom oidn Pfund;
An da Kreisstraß' war Totalsperre gschlågne 13 Stund.
Und wia's de Katz vom Lehrer vom Kirchendach ghoit ham,
Hockt si des Sauviech untern Einsatzwågn und beim Wegfahrn fahrns as zam.
Wia an Daatschi håts 'n zammabaazt den Mistkåter, den fetten:
Feuerwehren schützen, Feuerwehren löschen, Feuerwehren retten!

Endlich is d'Sirene ganga, de Hühnerfarm in Riad håt brennt,
Mit wildentschlossene Gsichter sans zum Einsatzwågn hi'grennt,
Mit Blauliacht sans glei losgrast, mit einem Mordskarracho,
Doch wias hi'kemma, warn 20 andre Feuerwehrn scho då.
Vereinigt håms glei neigspritzt, si håm si soiber übertroffa:
Verbrennt is koa oanzigs Hendl! 20 Tausend san dasoffa!
De warn eh total verschissn, de Hühnerkäfigzellen!
Feuerwehren schützen, Feuerwehren löschen, Feuerwehren kämpfen gegen Salmonellen!

Weil die Gemeinde pleite ist, muß man den Haushalt schonen;
Drum gibt's fürs neue Feuerwehrhaus bloß no lumpige acht Millionen!
Doch de Sauna, de håms durchgsetzt, drobn in da 2. Etage
Und für den neia Spritznwågn a super Tiefgarage.
Bloß de Andern daatn sich aufregen, von wegen Goid nausschmeißn?
Weil fürn Kindergarten koa Goid då is, daatn's jetz as Mäu aufreißn,
Doch auf unsern neuen Bürgermeister konn die Feuerwehr voll zählen:
Feuerwehren schützen, Feuerwehren löschen und Feuerwehren wählen!