'Etta abba, chelu Lyrics

Unu vintibattoro ‘e sant'Andria
Mi so gosande in pache sa ninnia
De fozas chi s'atunzu at istraccadu
D'onzi foza est goi...
Lebia comente custu olvidu

Anninnoranninnora
Sa vida anda' in bon'ora...
Anninnoranninora

Una frantzichena ‘e realidade
Isparta che s'olore ‘e su maestrale
In custu momentu de otziosidade
Non b'at nudda chi...
Non b'at nudda chi andat male

‘Etta abba, chelu, chi cust'annu semus sididos
‘Etta abba ei amus a ballare che indianos
‘Etta abba frisca commo
‘Etta abba, chelu

Unu bindighi de abrile
Corcadu in una cussorza de fraulas
Giogande cun sas nues e s'insoro formas
Non b'at nudda chi... Non b'at nudda chi...

Ma si s'abba, ‘e su chelu est su suore
Comente caddos nois deppimus essere
Istraccos ma felitzes de currere
Puru cando... calchi cosa andat male

Anninnoranninnora
Sa vida anda' in bon'ora...
Anninnoranninora

‘Etta abba, chelu, chi cust'annu semus sididos
‘Etta abba ei amus a ballare che indianos
‘Etta abba frisca chelu
‘Etta abba frisca commo
‘Etta abba, chelu!

Anninnoranninora
Sa vida anda' in bon'ora...