Mien Roos Lyrics

Refrain:
Du hest se leev, de Sünn un den Wind
Mien smucke stolte Roos.
Du büst as wi een Noordenkind
Een Stück vun mien Tohuus
Een Stück vun mien Tohuus.

Wind un Wedder höllst du stand.
Du steihst oprecht as'n Een.
Du hörst hierher in't Noordenland
So fast as anners keen.

Mi dücht, ik kenn di al siet Johrn,
Siet ewig lange Tiet.
So vertruut büst du mi worrn
Mien Roos an miene Siet!

Refrain

Ick kiek di an du strahlst torüch,
Du giffst mi wat ick söök,
Wenn över mi een Schatten liggt
Büst du mi wiß een Hölp.

Ick gah to di un snack mi ut,
Du hest jümmers för mi Tiet.
Du hörst to mi as faste Bruut
Mien Roos an miene Siet!

Refrain

Refrain