Ig wettis geng gärn allne rächt mache, Säge schnäll mal ja bevor ig überlege, Ha mängisch z'gfüehl me müessi I nes schema passe, Das me a gseht wird vo dr masse
U weni de wieder mal mues e job sueche, Bini besser dranne hani schöni chleider anne, U ig frage mi wär das duet bestimme, U wieso das gueti musig komerz mues klinge, U we de öpper mau duet usestäche, Wird är usgschlosse es isch es verbräche
Ig ma nümme geng für alli seckle, Wott mi sälber si mi fantasie la wecke, Wott mau zu mire meinig stah, U nid immer mit dr masse mit gah
Mir si jung u si naiv, Hei geng no z'gfüehl mir wärde rich, Gloube was ir zytig steit, U hei e fernseh im zimmer, Das me a gseht wird
U weme de wieder mal e plan het, U me säuber öppis chönnt bewege, Wird me usglachet oder verisse..., U wär nid so schnäll ufgit, Wird ziemlech schnäll a rand drückt, U wieso isch alles nöiie immer schlechter, Ohni das me gnau weis um wases hie geit