Sie packe ihri hüng i, Trage se ids tram, Hocke näbenang, Mit de ichoufstäsche
Lavere hei es riese dürenang, Hei ke hang frei, Gö meischtens uf umwäge hei, Us jedem chline wird öppis grosses
Sie dichte gschichte, U brichte mit wild frömde, Angere lüt vo ihrer sorte, Ihre horizont geit bis zur huustüre
Gseh d'wäut wie dür nes fischoug, Chli u rund, Sie luege dür d' vorhäng, Hei motorsagikaländer a d' wäng
Gäubi zäng, Stecke ihre chopf I alli aglägeheite, Schleipfe alles mügleche I ihre chäller, U ässe us blüemlete täller
Im Bös isch niemer am lache, es lachet niemer, Am morge oder am abe, Im Zug schrisse alli e stei, U sie wei so schnäll wi müglech hei, U jede wär lieber ellei, I sire chline wält, Wome sälber cha regiere
Sie si nie z'friede mit sich säuber, Rede drüber wärde aber nid viel schleuer, Sie läbe wit wäg vo dr realität, Choufe grät wo sie nid chöi bruche
Blau öiigig, loufe sie dür d' stadt, U ne nöii bösfarb macht sie platt, Gäld isch für sie so öppis wie für mi glück, Aber gäld macht mi nid so richtig glücklech
Sie gö ids militär, mache ds ganze spieli mit, U fröie sich wes när, es abzeiche git, Sie häncke iri gschänkli uf, Hei fröid are plastik uhr, vom versandshuus
Sie spiele gärn lotto am samschtig nami, Dr fuchs schwanz hanget am spiegel im outo, Ir wohnig deheime loufts ds radio, Im cd-ständer liege billegi sampler