Schutzängel Songtext

von Plüsch

Plüsch - Schutzängel

Wie us heiterem Himmel het's üs alli troffe
Niemer het so früeh scho a so öppis dänkt
Es het ke Chance gäh
Das me no hätt chönne hoffe
Dass sich alles wider iränkt

Es het's o niemer e so richtig chönne gloube
Weder begrieffe no irgendwie verstah
Wie het dä da obe nume chönne erloube
Dass du so früeh hesch müesse gah

Refrain:
Du wachsch jetz sicher über üs u bisch e ängel
Mir gseh di nid
Aber mir wüsse du bisch da
Du passisch uf das üs hie unde nüt passiert
Mir vergässe di nie
Mir vergässe di nie

Hesch mir doch ersch no grad verzellt
Was du heigsch plaanet
Du hesch mir gseit
Du heigisch Grosses im Sinn
Us dine Ouge het so viel Läbe gstrahlet
So viel Freud I dire Stimm

Mi hei doch gmeint
Mir heige z'ganze Läbe vor üs
Mir hei üs starch u frei gfüehlt
Am See woni ha tschüss gseit
Hani doch nid chönne ahne
Das I di nieme wirde gseh

Refrain:
Du wachsch jetz sicher über üs u bisch e ängel
Mir gseh di nid
Aber mir wüsse du bisch da
Du passisch uf das üs hie unde nüt passiert
Mir vergässe di nie

Du passisch uf das üs hie unde nüt passiert
Mir vergässe di nie
Mir vergässe di nie