Hum Ke There Ajnabi Songtext

von Nayyara Noor

Hum Ke Thehray Ajnabi
Itni Madaraton Ke Baad
Hum Ke Thehray Ajnabi Itni Madaraton Ke Baad
Phir Banain Ge Aashna
Phir Banain Ge Ashna Kitni Mulaqaaton Ke Baad?
Hum Ke Thehray Ajnabi Itni Madaraton Ke Baad

Hum Ke Thehray Ajnabi

Kab Nazar Mein Aaye Gi Be-Daagh Sabzay Ki Bahaar
Kab Nazar Mein Aaye Gi Be-Daagh Sabzay Ki Bahaar
Khoon Ke Dhabbay Dhulain Ge
Khoon Ke Dhabbay Dhulain Ge Kitni Barsaaton Ke Baad?
Hum Ke Thehray Ajnabi

Dil Tou Chaaha Per Shikast-e-Dil Ne Mohlat Hee Na Di
Kuch Gilay Shikway Bhi Kar Laitay Munajaaton Ke Baad
Hum Ke Thehray Ajnabi

Thay Bohat Be-Dard Lamhay Khatam-e-Dard-e-Aashiqui Ke

Thay Bohat Be-Dard Lamhay Khatam-e-Dard-e-Aashiqui Ke
Theen Bohat Be-Meher Subhain Meherbaan Raaton Ke Baad
Theen Bohat Be-Meher Subhain Meherbaan Raaton Ke Baad
Hum Ke Thehray Ajnabi

Un Se Jo Kehnay Gaye Thay Faiz Jaan Sadqa Kye
An Kahee Hee Reh Gayi Wo Baat Sab Baaton Ke Baad
Hum Ke Thehray Ajnabi Itni Madaraton Ke Baad
Phir Banain Ge Ashna Kitni Mulaqaaton Ke Baad?
Hum Ke Thehray Ajnabi Itni Madaraton Ke Baad
Hum Ke Thehray Ajnabi