Lafayette Songtext

von Natacha

Är chöm vo Senegal, seit är und
är heiss Lafayette
Si chäm vo Bärn seit sie und heiss Christine
Sie hett sech tänkt, egal was dä schön Maa ou wett
Für sie lig'alles drin
S'het de paar Wuche brucht mit Härzchlopfe und viel Geduld
Aber schliesslech isch är nümm so schüüch
Isch's sis Französisch, wo se strychlet-
Sy d'Ouge tschuld?
Und gseit's ihm ou grad glych?

U für d'Mönsche uf dr Strass
Sy si halt geng e Attraktion
Die heisse Blicke schlyche immer a:

U si chüschele und tuschle -
Chehre um u bliibe stah
Sie chüschele und tuschle -
Luege ihne immer na
D'Christine ghört se tuschle -
D'Christine cha's verstah:
Nid jedi vo ne mischlet sech halt
Sone wunderschöne Maa...

Paar Wuche später het si ihn mal zu de Eltere gno
Sit däm Aabe isch dert ds Füür im Dach
Sie müess verstah, seit d'Muetter, d'Nachbere hei Wind übercho
U dr Vatter wott ke Krach
E gueti Fründin warnt: Pass uf, we dä vo Hochzyt redt
Weisch, är wott nume dini Papier

Und deheime a der Türe kämpft
Dr Lafayette
Mit Tärpentin gäge es Nazigschmier
U für d'Mönsche uf dr Strass
Sy si gäng ä Provokation
Und langsam weisch nümm, was passiere cha:

Si chädere und rätsche -
Chehre um u bliibe stah
Si chädere und rätsche -
Gaffe ihne immer na
D'Christine ghört se rätsche -
D'Christine cha's nümm ha
Wie mängisch tröimsch, du hättsch e Müglichkeit, für uf d'Barrikade z'ga

U wo du ds Telefon geit:
Ja, da sigi d'Polizei
Da heig e Neger und es paar Skinheads irgend sone bösi Schlegerei
- Si bring'ne hei
I Senegal

Sie gröhle und marschiere -
Sy plötzlech wieder da
Sie gröhle und marschiere -
U niemer cha's verstah...
- Sie gröhle und marschiere