La ballata del pittor Lyrics

El stava semper sul canton
El ghe parlava mai a nissun:
Lu el piturava, matina e sera,
Madonn sul marciapee;
Je piturava lì in su la strada
Per tirà su danee.

Diseven tucc: "Come se fa
A fà i madonn tutt spetasciaa?"
Ma quand che passaven ghe regalaven
Semper on quai des franch
E poeu giraven opur saltaven
Prima de tirà inanz.

On dì che gh'era confusion,
Gh'era el mercaa fin sul canton,
L'è passaa on ghisa cont i scarponi,
El gh'ha schisciaa i madonn;
Lu el salta su che 'l par ona bissa
E 'l ghe vosa 'dree: "pirlon!"

Adess gh'hann faa cambià canton:
L'è in d'on canton de San Vitor.
In la soa cella l'ha faa ona pitura
De la crocifission:
El sò Gesù l'è vestii comè on ghisa,
On ghisa cont i scarpon.