Mami Lyrics

Serom in quatter col Padola
El Rodolf, el Gaina e poeu mì
Quatter amis, quatter malnatt
Vegnuu su insemma compagn di gatt.

Emm faa la guerra in Albania
Poeu su in montagna a ciappà i ratt:
Negher, todesch de la Wehrmacht
Mi fan morire domà pensaggh.

Poeu m'hann cattaa in d'on'imboscada:
Pugni e pesciad e 'na fusilada...

Ma mì, ma mì, ma mì
Quaranta dì e quaranta nott
A San Vitor a ciappà i bott,
Dormì de can, pien de malann...
Ma mì, ma mì, ma mì
Quaranta dì, quaranta nott
Sbattuu de su e sbattuu de giò,
Mì son de quei che parlen nò!

El comissari ona matina
El me manda a ciamà lì per lì:
"Noi simmo accà, non zente alcun"
El me diseva 'sto brutt teron.

El me diseva "Li tui compari,
Nui li pigghiasse senza de te
Ma se firmasse io firm'accà
Il tuo condono, la libbertà.

Tu si' 'nu fesso cà si' cuntento
De stare solo e chiuso accà dento!"

Ma mì, ma mì, ma mì
Quaranta dì e quaranta nott
A San Vitor a ciappà i bott,
Dormì de can, pien de malann...
Ma mì, ma mì, ma mì
Quaranta dì, quaranta nott
Sbattuu de su e sbattuu de giò,
Mì son de quei che parlen nò!

Son saraa su in 'sta rattera
Piena de nebbia, de fregg e de scur.
Sott a 'sti mur passen i tramm,
Frecass e vita del mè Milan.

El coeur se strengg, ven giò la sira,
Me senti mal, stoo minga in pè;
Poggiaa in sul lett, in d'on canton,
Me par de vess proppi nissun.

L'è pesg che in guerra stà in su la terra:
La libertà la var 'na spiada!

Ma mì, ma mì, ma mì
Quaranta dì e quaranta nott
A San Vitor a ciappà i bott,
Dormì de can, pien de malann...
Ma mì, ma mì, ma mì
Quaranta dì, quaranta nott
Sbattuu de su e sbattuu de giò,
Mì son de quei che parlen nò!

Mì parli nò!