Ah! che bell'aria fresca
Ch'addora e malvarosa
E tu durmenno staje
Ncopp'a sti ffronne 'e rosa.
'O sole a poco a poco
Pe 'stu ciardino sponta;
'o viento passa e vasa
'stu ricciulillo 'nfronta.
'I te vurria vasa'
'I te vurria vasa'
Ma 'o core nun m' 'o ddice
'e te sceta'
'e te sceta'. 'I me vurria addurmi'
'I me vurria addurmi'
Vicino 'o sciato tujo
N'ora pur'i'!
N'ora pur'i'!
Tu duorme, oj Rosa mia?
E duorme a suonno chino;
Rnentr'io guardo 'ncantato
'stu musso curallino
E chesti carne fresche,
E chesti trezze nere,
Me metteno 'int' 'o core
Mille male penziere.
'I te vurria vasa'
'I te vurria vasa'
Ma 'o core nun m' 'o ddice
'e te sceta'
'e te sceta'. 'I me vurria addurmi'
'I me vurria addurmi'
Vicino 'o sciato tujo
N'ora pur'i'!
N'ora pur'i'!
Writer(s): Eduardo Di Capua, Alfredo Mazzucchi, Vincenzo Russo
Lyrics powered by www.musixmatch.com