Unse Herrjood em Himmel muss ene Kölsche sin Songtext

von Kribbelköpp

Vör zig dausend Johre hät der Herrgodd de Ääd gemaht,
Un et Hätz der ganze Welt an der Rhing gelaht.
Un hä leet sich ne Dom dann baue vun singer Engelsschar,
Un hä nannt die Stadt am Rhing dann Colonia.

"Hee solle Minsche friedlich leeve", dat hät hä gesaht,
"Un wä nit pariert, dä weed noh Düsseldorf gebraht.

Ref.: Unse Herrgodd em Himmel muss ene Kölsche sin,
Denn hä hät et Hätz om richtige Fleck.
Un wenn mir am Rhing zesammestonn,
Dann weed Kölle niemols ungergonn.

Un hä maht Gesetze för et Levve hee,
Hä nohm die Kölsche an de Hand un hät dann gesaht:
"Jede echte kölsche Fetz weed met Kölsch vum Fass gedäuf,
Em Himmel ben ich der einzige, an dä jeder gläuv".

För der Spass un Fruhsenn hee schenken ich üch all
Et Allergrößte op der Welt: Der kölsche Karneval.

Ref.: Unse Herrgodd em Himmel muss ene Kölsche sin,
Denn hä hät et Hätz om richtige Fleck.
Un wenn mir am Rhing zesammestonn,
Dann weed Kölle niemols ungergonn.

SOLO

Bridge: Oh, Leeve Godd em Himmel, danke för die Stadt,
Mir gonn och jede Sonndag en der Dom eren.

Ref: Unse Herrgodd em Himmel muss ene Kölsche sin,
Denn hä hät et Hätz om richtige Fleck.
Un wenn mir am Rhing zesammestonn,
Dann weed Kölle niemols ungergonn.

Unse Herrgodd em Himmel muss ene Kölsche sin,
Denn hä hät et Hätz om richtige Fleck.
Un wenn mir am Rhing zesammestonn,
Dann weed Kölle niemols ungergonn.

Dann weed Kölle niemols ungergonn.

...