Niemals im leeve Songtext

von Kribbelköpp

Ich hänge hee eröm un han de Sehnsuch voll am brenne.
Ich dräume, un de Zigg geiht gar nit 'öm.
Wat häs Do bloß gemaht, (Do bloß gemaht)
Ich künnt hück Naach de Wäng huhrenne, (de ganze Naach)
Ich kann et nit vergesse Ding Geseech un och Ding Aat.

Wat wor dat för en Naach, ich wor der Clown un Do häs vill gelaach.
Zwei Jecke em Ruusch, ich hätt' die Naach em Levve nit getausch.

Us de Auge usem Sinn, (Niemols em Levve)
Weil ich süchtig noh Dir ben. (an Dir ze klevve)
Eimol der Wahnsenn völlig blind,
Wie mer niemols em Levve sin.

Ich han et mir gewünsch, dat mir der Himmel op der Kopp fällt,
Jetz weiß ich nit, wie ich et üvvertünch'.
Do es och noch die Furch (sei doch nit bang)
Wat hee för Dich su ennerlich zällt,
Ich sinn Dich un bei mir brenne de Sicherunge durch.

Wat wor dat för en Naach, ich wor der Clown, sag, wat häs Do gedaach?
Zwei Jecke op Jöck, öm uns eröm do woren ze vill Lück.

Us de Auge usem Sinn, (Niemols em Levve)
Weil ich süchtig noh Dir ben. (an Dir ze klevve)
Eimol der Wahnsenn völlig blind,
Wie mer niemols em Levve sin

Solo

Met Dir ze sin es paradiesisch, Do rolls en Welle aan, ja
Wirks unbeschreiblich aphrodiesisch ob ene Mann. Au

Wat wor dat för en Naach, ich wor der Clown, sag wat häs do gedaach.
Zwei Jecke op Jöck, öm uns eröm, do woren ze vill Lück.

Us de Auge usem Senn, (Niemols em Levve)
Weil ich süchtig noh Dir ben.
Eimol der Wahnsenn völlig blind,
Wie mer niemols em Levve sin.

Us de Auge usem Senn,
Weil ich süchtig noh Dir ben. (an Dir ze klevve)
Eimol der Wahnsenn völlig blind,
Wie mer niemols em Levve sin.

...