Faasle Aise Bhi Honge Lyrics

Na uda youn thokaron se meree khaak-e-qabr zaalim
Yehi aik rah gayee hai mere pyaar ki nishaani

Faaslay aise hongay yeh kabhi socha na tha
Saamne baitha tha mere aur woh mera na tha

Woh to khushboo ki tarah phaila tha mere charsoo
Main usay mahsoos kar sakta tha chhoo sakta na tha

Raat bhar pichhlee hi aahat kaan mein aatee rahee
Jhaank kar dekha galee mein koi bhi aya na tha

Yaad kar ke aur bhi takleef hoti thi adeem
Bhool jaane ke siwa ab koi bhi chaara na tha