Hie bin i deheim Lyrics

Dr Wind trybt eim mängisch wyt ewägg.
So wyt, dass me vergisst, wo me häreghört.
I ha immer wie ne ewige Wanderer gläbt.
Ha myni Spure hingerla, einisch hie und einisch dört.

Jetz bin i zrugg a däm Ort, wo myni Wurzle blibe sy
Und wo mi zu däm het gmacht, won i immer no bi.

Wenn d Sunne hinger em Jura ungergeit,
Und d Fälder schyne wie nes grosses Meer,
Wenn d Erinnerig a früecher mi dört häretreit,
De gspürenis töif i mir: Hie bin i deheim.

Da steit das Huus, won i glehrt ha, was 1+1 git,
Und i dir mal gschwore ha, du wärdsch di Einzigi sy.
Mir hätt' denn aues gäh für z'wüsse, dass es immer so blybt,
Und i hätt niemerem ggloubt, wo mir gseit hätt:
"Irgendwenn ischs verby."

Du hesch di veränderet i au dene Jahr.
Doch die Bilder vo denn gsehn i immer no klar.

Wenn d Sunne hinger em Jura ungergeit,
Und d Fälder schyne wie nes grosses Meer,
Wenn d Erinnerig a früecher mi dört häretreit,
De gspürenis töif i mir: Hie bin i deheim.

De gspürenis töif i mir: Hie bin i deheim.

*jodel*

Jetz bin i zrugg a däm Ort, wo myni Wurzle blibe sy
Und wo mi zu däm het gmacht, won i immer no bi.

Wenn d Sunne hinger em Jura ungergeit,
Und d Fälder schyne wie nes grosses Meer,
Wenn d Erinnerig a früecher mi dört häretreit,
De gspürenis töif i mir: Hie bin i deheim.

Wenn d Sunne hinger em Jura ungergeit,
Und wenn Fälder schyne wie nes grosses Meer,
Wenn d Erinnerig a früecher mi dört häretreit,
De gspürenis töif i mir: Hie bin i deheim.

De gspürenis töif i mir: Hie bin i deheim.