Käptn Hinkebei, reis doch nid ellei,
Uf dym alte Kahn hät's sicher non e Platz.
Wänn's au chuutet, stürmt und wätteret,
Wänn's sprützt und chlöpft und tschätteret:
Potz Tunderblitz, so Sache git's!
Wänn uf em Schiff alls z'underobsi goht,
Wänn zmittst im Sturm en Ankerchetti lot,
Wänn s Schiff verbüület wie nen alti Büx,
Dänn trinkt de Käptn – Kafi Güx.
Käptn Hinkebei, reis doch nid ellei,
Uf dym alte Kahn hät's sicher non e Platz.
Wänn's au chuutet, stürmt und wätteret,
Wänn's sprützt und chlöpft und tschätteret:
Potz Tunderblitz, so Sache git's!
De Choch i de Kombüse reggt sich uf,
Denn d Müüs, die frässed alli Vorröt uf.
De Käptn bringt da gar nid us em Gleis,
Er seit: „Mir trinket eifach eis!"
Käptn Hinkebei, reis doch nid ellei,
Uf dym alte Kahn hät's sicher non e Platz.
Wänn's au chuutet, stürmt und wätteret,
Wänn's sprützt und chlöpft und tschätteret:
Potz Tunderblitz, so Sache git's!
De alti Stüürmaa zieht und truckt und stämmt,
Er rysst am Stüürrad, wo uf eimol chlämmt.
De Käptn gseht die Not und rüeft: „Ich chumm,
Ich trink nu zerscht no gschnäll en Rum."
Käptn Hinkebei, reis doch nid ellei,
Uf dym alte Kahn hät's sicher non e Platz.
Wänn's au chuutet, stürmt und wätteret,
Wänn's sprützt und chlöpft und tschätteret:
Potz Tunderblitz, so Sache git's!
De Ingenieur, dä arm, dä springt und rännt,
Will uf em Schiff kei einzigs Lämpli brännt.
De Käptn stört da nid, er seit: „Verzell,
Zum Trinke bruuch ich doch nid hell."
Käptn Hinkebei, reis doch nid ellei,
Uf dym alte Kahn hät's sicher non e Platz.
Wänn's au chuutet, stürmt und wätteret,
Wänn's sprützt und chlöpft und tschätteret:
Potz Tunderblitz, so Sache git's!
Em Funker syni Dröht, die laufed heiss.
Do git's en grosse Chlapf, und‘s butzt em eis.
De Käptn seit: „Herjee, ich glaube schier,
Do hilft nu na e grosses Bier!"
Käptn Hinkebei, reis doch nid ellei,
Uf dym alte Kahn hät's sicher non e Platz.
Wänn's au chuutet, stürmt und wätteret,
Wänn's sprützt und chlöpft und tschätteret:
Potz Tunderblitz, so Sache git's!
De erschti Offizier hät en Saloot,
Er findt sich nüme z'rächt, wo's dure goht.
Do seit de Käptn sträng: „Herjee, Si Purscht,
Trinked Si vilicht öppen eis über de Turscht!"
Käptn Hinkebei, du trinksch nid ellei,
Uf dym alte Kahn hät öppe eine hööch.
Wänn's au chuutet, stürmt und wätteret,
Wänn's sprützt und chlöpft und tschätteret:
Potz Tunderblitz, so Sache git's!
Writer(s): Dieter Wiesmann
Lyrics powered by www.musixmatch.com