Scheriff Nepomuk
Ich weiss im wilde Weschte non en Stadt
Die isch ned bsunders gross
Und trotzdem isch i dere chline Stadt
No öppe öppis los.
Doch wenns im Saloon ruch zu gaht
Denn chunnt de Scheriff meischtens sowieso vil z′spat,
Stopft d'Ohre mit de Watte zu
Und seit ich wott jezt mini Rueh.
Jupie ai eeh, jupi eeh, chline, runde Scheriff Nepomuk
Jupie eeh, jupie eeh, Scheriff Nepomuk.
De Räuber Joe striicht wider umenand
Und will sich alls beklagt,
Drum mached sich die tapferschte vom Land
Jetzt uf d′Verfolgigsjagd.
Da seit de Scheriff also guet,
Ich wünsche allne Riter rächt vil Glück und Muet.
Ier chönd scho fängs go sueche ga,
Ich chum de mit em Velo na.
Jupie ai eeh, jupi eeh, chline, runde Scheriff Nepomuk
Jupie eeh, jupie eeh, Scheriff Nepomuk.
Brucht ein im Wilde Weschte e chli Muet
De bint är s'Ross a d'Muur.
Är gaht in Saloon, lüpft de Cowboyhuet
Und bschtellt en Whiskey puur.
De Scheriff seit ich pfiff da druf
De Whiskey stosst mier amigs sowieso bloss uf.
Ich weiss, was mier vil besser nützt:
Ich trink en Himmbeersirup gsprützt.
Jupie ai eeh, jupi eeh, chline, runde Scheriff Nepomuk
Jupie eeh, jupie eeh, Scheriff Nepomuk.
Und plötzlich gits e grossi Schlägerei,
Me prüglet sich halb tot.
De Krach weckt au de Scheriff uf dehei
Und de gseht plötzlich rot.
Är nimmt sis Gwehr zum Chaschte us
Und stürmt wies Bisiwätter zu de Buude us.
Är schüsst ganz wild uf alles i
Zum Glück ischs Gwehr ned glade gsi.
Jupie ai eeh, jupi eeh, chline, runde Scheriff Nepomuk
Jupie eeh, jupie eeh, Scheriff Nepomuk.
Am Scheriff chlagt de Farmer Bill sis Leid,
är hed en grossi Wuet.
Wil är sit geschter Znacht uf siner Weid,
En Chue vermisse tuet.
De Scheriff seit das isch kei Sach,
Wil ich mich sälber jetze grad uf d′Suechi mach.
Sit do vermisst mer näb de Chue
De Scheriff au no grad dezu.
Jupie ai eeh, jupi eeh, chline, runde Scheriff Nepomuk
Jupie eeh, jupie eeh, Scheriff Nepomuk.
Writer(s): Dieter Wiesmann
Lyrics powered by www.musixmatch.com