Dat du mien Leevsten büst Lyrics

Dat du mien Leevsten büst,
Dat du woll weetst.
Kumm bi de Nacht, kumm bi de Nacht,
Segg, wo du heest;
Kumm bi de Nacht, kumm bi de Nacht,
Segg, wo du heest.

Kumm du um Middernacht,
Kumm wohl Klock een!
Vader slöpppt, Moder slöppt,
Ik slaap alleen;
Vader slöpppt, Moder slöppt,
Ik slaap alleen.

Kumm to de Kamerdöör,
Faat an de Klink!
Vader meent, Moder meent,
Dat deit de Wind;
Vader meent, Moder meent,
Dat deit de Wind.

Kumm to de Kammer rin,
Swieg ok fien still,
Links steiht een Schapp,rechts steiht een Schapp
Meern steiht dat Bett;
Links steiht een Schapp, rechts steiht een Schapp,
Meern steiht dat Bett.

Gah op dat Bett hento,
Liesen un still
Baben liggt een Deck,ünnen liggt een Deck,
Meern dat bün ick;
Baben liggt een Deck,ünnen liggt een Deck,
Meern dat bün ick.

Wenn du nich kommen magst,
Lat dat man blieven,
Fief ohn di,fief ohn di,
Kann ick wohl kreegen;
Fief ohn di,fief ohn di,
Kann ick wohl kreegen.

Wenn denn de Morgen gruut,
Kreiht denn de Hahn.
Leevster mien, Leevster mien,
Du schasst nu gahn;
Leevster mien, Leevster mien,
Du schasst nu gahn.

Dat du mien leevsten büst,
Dat du wohl weetst,
Kumm bi de Nacht,kumm bi de Nacht,
Segg wo du heetst;
Kumm bi de Nacht,kumm bi de Nacht,
Segg wo du heetst