Schärme Lyrics

Schärme
Text/music by: Dänu Extrem

Won i a däm tag ufgschtange bi
U der schlafsack ha uf ds velo gschnüert
Han i dänkt, i müess mau wider usegah
U ha grad es paar tag frei gha
U so bin i uuf u ha mi gfröit
U d' sunne het grad ihri strahle gschtröit
So bin i uuf u dervo

Un i ha no nes pick-nick mit gnoh
I bi gradlet über d'ämme u dür ds tau
U ha gfunge 's fägi scho total
Isch doch gäbig, son es velo
Und am waudrand han i öppis zue mer gnoh

Aber plötzlech macht der himu zue
Un es zügigs gwitter tonneret uf mi zue
Wo söu i itz a schärme stah
A räge han i doch gar nie tänkt gha
Da gsehn i im waud es zwöierzäut stah
U weiss, dänu, hie muesch zueche ha
E küehne sprung uf ds rettende floss
U itz ersch gsehn i, dass i nid alleinzi bi...

Und i bi froh
Dass i bi dir hie cha a schärme stah
I dym zäut, unger dym dach
U die ganzi nacht blybe mir wach
U dusse rägnets immerzue
U mir hei der fride und üsi rueh...

Ersch viu später han ig entdeckt
Was da schüsch no derhinger steckt,
Dass du nid
Und o nid ig
U nid der räge u der sunneschyn
E rolle spile i däm spiel
I däm spiel, wo's um nüt geit
U das isch verdammi vil
Dass muetter, frou und chind
Gäut u macht, nume stoub sy i däm wind
Nume stoub i däm wind
I däm wind, wo da wäiht
U d' wäut immer wyter dräiht
Wo alles und alli übersteit
Irgendöppis isch da meh...

Und i weiss, du bisch geng da
Bi dir chan i a schärme stah
I dym huus, unger dym dach
O häb mi fescht, i bi so schwach
Bi dir machen i d' ouge zue
Du bisch my fride, du bisch my rueh