Jasse Lyrics

Jasse
Text/music by: Dänu Extrem

S isch samschtig abe, d'wuchen isch verby
Und mir hocken ir beiz und suufen es bier,
Der blick ligt vor mer, 's isch e gruus
Was die wider brichten u eis zämedichte.
Mir diskutiere grad ob's no geit
Was di here z'bärn vo üs aues no wei,
Lyre übere bänzinprys, ob's so wyter geit?

Flueche chli über d'stüüre, u jede seit
Sy meinig, so wie's steit ir bundesverfassig
Eh ja, meinigsfreiheit.
Da nimmt eine d'charte füre u meint:
"chumm mir spilen eis"
U schnäu het är verteilt...

Aber da muess i passe
Wüu i ha ke blasse vom jasse...

I bi du ane angere tisch ga hocke
U si hei e flotte dreier afa bocke.
I ha nid wöue störe
U ha o ds glyr nümm möge ghöre.
I hocke mi auso zu däm meitschi dert
Wo o nid het mögen alleinzi sy,
U mir schwätze über dis und das
U so lääre mir non es paar glas,
Bis der beizer rüeft: "itz isch schluss
I füf minute, syt dir aui duss".
Später de, daheim bir veronika
Git si mir nüün charten i d'hang... aber...

Da muess ig passe
Wüu, i ha ke blasse
I mache doch fasch aues mit
Aber da, damuess i passe,
Wüu, i ha ke blasse vom jasse...

Ob näll oder puur oder otto stich
Ob ungen ufe, oder oben abe,
I ha ke blasse, ob rot, ob schwarz
Ob dame, könig oder ass, i verstah überhoupt nüt vo jass...

Ob nüüner, 13er, ob 7/8, i säge nume:
'kiss my ass!' i verstah totau nüt vom jäzz...

's git serig, wo bhoupte
Dass du ke rächte schwyzer bisch,
Nume wüu du nid düregsehsch a ihrem stammtisch
Wo säuber aber gar ke blasse schimmer hei
Vo der ganze schweinerei
Wo uusgjasset wird tag u nacht
Uf em spiltisch vo der macht
Wo gschtoche wird u gschobe
Während mir brav göh ga maloche
Wo chiuche, politik und marktwirtschaft
Hand in hand uf profit hi schafft
Wo di kene fragt, wie und warum,
Und d'puure jasse und luege dumm

Da müesse si passe
Wüu, si hei ke blasse,
Solang si schwyge, mache si mit
Aber bi däm spiel, da müesse si passe
Wöu, si hei ke blasse vom jasse...
Ir beiz hocke u jasse
Aber vom jasse hei si ke blasse
Bi däm spiu, da müesse si passe,
Ruehig sy u schön ufpasse
Vom grosse spiu
Hei si ke blasse wüu
Was da würklech abgeit
Da hei o mir ...
Ke blasse.