Ma se ghe penso Lyrics

O l'ëa partîo sensa 'na palanca,
L'ëa zà trent'anni, forse anche ciû.
Ô l'aiva lottòu pe mette i dinæ a-a banca
E poèisene ancon ûn giorno turnâ in zû
E fâse a palassinn-a e o giardinetto,
Co-o rampicante, co-a cantinn-a e o vin,
A branda attaccâa a-i ærboi, a ûso letto,
Pe dâghe 'na schenâa seja e mattin.
Ma o figgio ô ghe dixeiva: "No ghe pensâ
A Zena cöse ti ghe vêu tornâ?!"

Ma se ghe penso allôa mi veddo o mâ,
Veddo i mæ monti e a ciassa da Nûnsiâ,
Riveddo o Righi e me s'astrenze o chêu,
Veddo a lanterna, a cava, lazû o mêu...
Riveddo a-a seja Zena inlûminâa,
Veddo là a Fôxe e sento franze o mâ
E allôa mi penso ancon de ritornâ
A pösâ e össe dove'hò mæ madonnâa.
O l'ëa passòu do tempo, forse tróppo,
O figgio o l'inscisteiva: "Stemmo ben,
Dove ti vêu anâ, papà?. pensiemmo dóppo;
O viaggio, o mâ, t'é vëgio, no conven!"
"Oh no! Mi me sento ancon in gamba,
Son stûffo e no ne pòsso pròppio ciû,
Son stanco de sentî: señor, caramba,
Mi vêuggio ritornâmene un po' in zû...
Ti t'é nasciûo e t'hæ parlòu spagnòllo,
Mi son nasciûo zeneise e... no ghe mòllo!"
Ma se ghe penso allôa mi veddo o mâ,
Veddo i mæ monti e a ciassa da Nûnsiâ,
Riveddo o Righi e me s'astrenze o chêu,
Veddo a lanterna, a cava, lazû o mêu...
Riveddo a-a seja Zena inlûminâa,
Veddo là a Fôxe e sento franze o mâ
E allôa mi penso ancon de ritornâ
A pösâ e osse dove'hò mæ madonnâa.