Wäge dir Lyrics

Mängmal hock i daa und dänke
Wo-n i wär, was i wär ohni Dich
Wär i irgendwie so-n en Pensionär
Und alles wär mer schysseglych

Aber Du gisch mer das, wo-n i bruuch für mich
Wäge Dir bin i immer na draa
Wänn i dänke, wie lang mir scho zäme sind
Und mir sind beidi immer na daa

Ja ich hoff, das gaht so wyter
Nei ich weiss es, das hebet na lang
Ich chiemt ja gar nöd los vo Dir
Es isch wie-n en innere Zwang

Wäge Dir - wäge Dir - wäge Dir
Alles nume wäge Dir

Mir sind beidi jung g'sy
Und Du so wild und so heiss
Ich ha mi völlig vergässe-n i Dir
Vergisse mi hüt na, ich weiss

Häsch mer's nöd immer grad eifach g'macht
Mit Dine wyte Schprüng und so
Bisch heavy worde und härt und luut
Ha-n irgendwie g'nueg gha devoo

E-n anderi hätt mi ine g'noh
Romantisch, fyn und zart
Bi hy und ewäg g'sy und ha mi verliebt
I die total anderi Art

Wäge Dir - wäge Dir - wäge Dir
Alles nume wäge Dir

Es isch e paar Jahr lang g'gange
Es hätt mer g'falle, das gib i gern zue
Doch irgendwie isch sie mir uf de Geischt
Die unheimlichi Rueh

Ich ha Dich vermisst g'haa
Ha Di eifach wieder müesse haa
Doch irgendwie isch es guet das ich Dich
Für e paar Jahr ha verlaa

Jetzt tuen ich villi g'nüsse
De Venus i de Zwilling sei Dank
Und keini cha mer würklich böös sy
Mir finded alli zäme de Rank

Wäge Dir - wäge Dir - wäge Dir
Alles nume wäge Dir

Din Vater han i kännt vo früehner
Mir händ em „Coboy-Musig" g'seit
Dini Mueter han i immer heimlich g'liebt
Hät Dir de Blues i d' Wiege g'leit

Scho als chlyne Embrio
Hätt mer Dich „Rock'a Billy" g'nännt
Als „Rock'n'Roll" geboore
Es Füür wo hüt na brännt

Mir händ eus alli gschtürzt uf Dich
De Päuli, d'Stones, de Bob und ich
Du häsch eus zeiget was Musig isch
Jetzt gaht's eus all'ne glych

Wäge Dir - wäge Dir - wäge Dir
Alles nume wäge Dir