Nüme so cool Songtext

von Toni Vescoli

Es schynt alles so eifach und doch isch es schwehr
Alles isch eifach z'haa,
Zu jedere Zyt, wänn immer Du wotsch
Sie rüehred Der's sogar naa

Alles isch möglich, nüt haltet Dich uuf
Chunnsch trotzdem nöd wyter, blibsch schtah
Chasch au nüme zrugg, für das isch es z'schpaat
Jetzt lueg Der die Schärbe mal aa

Muesch doch eifach säge, irgendöppis isch fuul
Öppis lauft doch eifach verchehrt
Häsch es irgendwie anderscht glehrt
Es isch irgendwie nüme so cool

Du bisch doch so gschyd, Du häsch so vill g'lehrt
Du häsch doch alles schtudiert
Häsch alles g'läse, was's z'läse git
Ja Du bisch informiert

Und doch weisch na nüt, nöd meh als es Chind
Doch es Chind isch Dir wyt voruus
Es Chind isch na offe für Wunder und G'fühl
Jetzt frög dich, frög Dich: bisch Du's?

Muesch doch eifach säge ...

Du sag'sch a dem Ascht wo du sälber druff hocksch
Du schuflisch Dis eigeni Grab
Es wird immer schteiler, du wirsch immer schnäller
Es gaht immer schteiler bergab

Du hettsch doch das Wüsse, Du chönnt'sch es doch gnüüsse
Häsch Träum vo-n ere bessere Wält
Doch dänn chunnt Dis Ego und dänn gahts Dir nur no
Um Macht und vill Gäld

Muesch doch eifach säge ...
Es isch irgendwie nüme so cool