Blaui Sirene Songtext

von Toni Vescoli

Du schtrahlisch mich verlockend aa
Unändlich tüüf Dis Blau
Es G'fühl, wo-n ich na nie ha ghaa
Ich glaub', Du magsch mich au

Ich taschte sanft nach Din're Muus
Und fahre hin und her
Du ziehsch mich ine, I Dis Huus
Mich z'wehre fallt mer schwehr

Ich tauche tüüf I Dini Sehl
Und Wälte gönd mer uf
Du bisch mis Alles, bisch mis Juvel
Du nimmsch mer glatt de Schnuuf

Vergisse d'Frau und myni Chind
Verbringe d'Nacht mit Dir
Am Morge isch's mer schturm im Grind
Wie 'bisse vome Vampir
De ganzi Tag dänk ich a Dich
Es zieht mi zue Der hy
Und z'abig git's nur eis für mich
Wott wieder bi Der sy

Du schtrahlisch mich verlockend aa
Unändlich tüüf Dis Blau
Es G'fühl, wo-n ich na nie ha ghaa
Ich glaub', Du magsch mich au