Baby Songtext

von Subzonic

En Tag wie jede Anderi, nüüt isch andersch xii
I de City voll mit Lüüt, es laufed alli anenand verbii
Eine zieht siis Handy, rännt s de Fänschterwand verbii
Chunnt uf miich zue, xeet mi nöd und rännt I miich
Ich flueche vor mich hii, da bemärk ich sii
Sii lächelt mii aa und zieht flott a mier verbii
Ich trau mine Auge nöd dräh mi namal um
Aber sii isch e Wäg und verschwunde.

Refrain:
Baby, säg wo chunnsch du her
Bisch mer eifach devoo
Wie wänn I Luft für dii wer
Baby, säg wo gasch du hii
So schnäll wi du cho bisch
Bisch aa mier verbii

Sii isch undertaucht, inmitte vo de Mängi
Ich laufe sofort aa und dräng mi dur d àngi
Ich chan sii nöd mal rüefe, ich känn nöd mal ire Name
Ich xee si vorne laufe, doch ich chum nöd aa sii ane
Es isch wie wänn das alles in Ziitlupe passiert
Wie am fernse, wänn d schwiizer Nati es Goal kassiert
De Traum nimmt es Ändi, e tragischi Wändi
Wo sii in Zug gaat und de vor mier abfart
Die Begägnig hed en Schluss aber nie en Afang gnoo
Bis uf villi offni Frage häd si nüt übrig glah
Bevor I zrugg lauf, drä mi namal um
Aber si isch e Wäg und verschwunde

Refrain:

Bridge:
Miin Zug fart ab, ich beobachte in zum Fänschter uus
Han gar nöd gscnallt das er mier gfolgt isch
Ich schtaane uf und rüef so luut ich chan zum Fänschter uus
Aber er isch e Wäg und verschwunde
Er isch Wäg und verschwunde...

Refrain: