Rainer Lyrics

Rainer

1. Strophe
Dä Rainer wor ne wichtje Mann, jov e herrlich Fest,
Hä worf do en Aug op dat Marie, et schönste singer Jäss.
Se wore schon am danze, am Klaave un vell mieh,
Do kom su e propper Jüngelche un nohm sich dat Marie.

2. Strophe
Der Rainer hätt ne Fussballclub, dat es singe jrößte Schatz
Se künne uch jot spille, wolle für dem eetste Platz
Doch dann am letzte Spelldaach, alles es am Enkg
Dann hätt ne andere Manager die Schale in der Häng.

3. Strophe
Dä Rainer hatt kein Loss mieh, wollt suffe noh all der Möh
Em Hotel - de falsche Dür, hä stund op der Bühn
Do funkg jerad en Wahl statt zum Mister Kolossal
Dä Rainer wollte fott, do krätt hä der Siejerpokal

Refrain_pre
Jetz kannste ens der Eetste sin, hück krisste ens der Pott
Jetz bes do och ne Siejer, föhls dich wie ne Jott
Jetz häste ens jewonne, jetz beste on Top
Dann häss ens alles jot jemaat, do mäste eine drop

Refrain
Do kanns nit immer der Eetste sin, ne zweite Platz es joot
Freu dich mit dem Siejer, dat jit dir neue Moot
Un deiste nie jewenne, un wors do nie on Top
Dann häste doch jet falsch jemaat, saach hür dann levver op