So Wie Es Chind Lyrics

So wienes Chind

Weisch no die Zit wod dich gfreut häsch uf das,
Was der s Chrischtchindli wohl bringe wird...?
Weisch no die Ziit wod zum Feischter us gluegt häsch,
Und gmeint häsch, JETZT hebsch es grad gseh?

S Chrischtchindli mit em goldige Chleidli und
Em riesige Zäddel mit all dine Wünsch.
Gspürsch no die Freud und die wärmi i dir,
Wo dir Zitt vo de Wiehnacht häd gäh.

So wienes Chind, lacht und singt,
Strahlt vor em Baum –
Was häsch du für Wiehnachtstraum?
So wienes Chind, die Ziit empfindt,
So wünscht ich mir,
Sie chäm au emal wider zu mir…

Ich weiss no genau, wienich planget han,
Ha chum möge warte uf die heilig Ziit,
Wie mängs mal muesi no schlafe?
Ganz ruhig häd s'Mami gseit, glii glii isches so wiit.

S Chrischchind mit em goldige Chleidli,
Und wänd ganz brav bisch erfüllts dini Wünsch.

Ich gspür die Freud und die Wärmi i mir wo mir
D Ziit vo de Wiehnacht häd gäh.

So wienes Chind, lacht und singt,
Strahlt vor em Baum –
Was häsch du für Wiehnachtstraum?
So wienes Chind, die Ziit empfindt,
So wünscht ich mir,
Sie chäm au emal wider zu mir…