Passione Songtext

von Renzo Arbore e l'Orchestra Italiana

Cchiù luntano me staje
Cchiù vicino te sento...

Chi sa a chistu momento
Tu a che pienze... che ffaie!...
Tu m'hé miso 'int' 'e vvene
Nu veleno ch'è ddoce.
Nun me pesa sta croce
Ca trascino pe' te...

Te voglio... te penzo... te chiammo...
Te veco... te sento... te sonno...
E' n'anno
'nce pienze ca è n'anno
Ca st'uocchie nun ponno
Cchiù pace truva'!

E cammino... e cammino
Ma nun saccio addò vaco.
I' sto sempe 'mbriaco
E nun bevo mai vino.

Aggio fatto nu vuto
A' Madonna d' 'a Neve:
Si me passa 'sta freve
Oro e perle lle dò...

Te voglio... te penzo... te chiammo...
Te veco... te sento... te sonno
E' n'anno
'nce pienze ca è n'anno
Ca st'uocchie nun ponno
Cchiù pace truva'!