Facebook
Twitter
Problem melden

Dorf wia r a grâb Songtext

Vor 30 jåhr in såft
Wia r es bliahrate lebn
Koa zweife koa wåggla
Di wechts ållweil gebn
Voll muse und glachta
Voll kinda und leit
Bist gståndn åls wa s
Fi de ewigkeit

Zerscht håts koana gmerkt
Dass da nid so guat geaht
In de friahrn åchtzga
Volla geit und voll gneat
De kloan åltn gschäftla
In dorf håbnt neamd gfeit
Mit n noin auto einkafn fåhrn
Håt ins gfreit

Glei drauf håt es fernsehn
Es kino dadruckt
Und a ban wiacht drei
Is oft neamd mehr ghuckt
De jungan send ålle
Ins babylon gfåhrn
En mårkt drei is laa wordn
Am såmståg auf n åbnd

Schea kloaweis is glafn
Du bist ins vakemm
Oa schriat nåch n åndern
Då brauch ma nid redn
Auswändig aufputzt
ålls glänzat und noi
åba dei hechz is
Valåssn und hohl

Am end is åls wegkemm
Wås irgendwås kost
Es gricht und de schante
Da bus und de post
Dafi håbnt se ins no
A schnellstråßn baut
Und mir håbn ins ållweil
No nid aufmuckn traut

Und wia vorigs jåhr
No es werk zudraht håt
Da håbn ma s kapiert
åba leida vi z spåt
De oan de sen weg
Und da årbat nåchzogn
De åndern sen pendler
Oda årbatslos wordn

Hiatzt liegst gånz valåssn
Kålte fensta und wänd
Mir keman zan schlåfn
Oder am wochnend
Und wånn s in zwoa jåhr
De kloane schui neama trågt
Bleibnt glei mehr da freidhof
Und a dorf wia r a gråb
News
Enttäuschte Zuschauer: Die Passion fiel durch
Vor 3 Stunden
Enttäuschte Zuschauer: Die Passion fiel durch
Steffen Henssler: Das hätte man nicht von ihm erwartet
Vor 3 Stunden
Steffen Henssler: Das hätte man nicht von ihm erwartet
Querschlaeger - Dorf wia r a grâb
Quelle: Youtube
0:00
0:00
Made with in Berlin
© 2000-2024 MusikGuru