Dasht-E-Tanhai Songtext

von Meesha Shafi

Dasht-e-tanhai men
Ay jaan-i jahaan larzaan hain
Dasht-e-tanhai men
Ay jaan-i jahaan larzaan hain
Teri aawaaz ke saaye
Tere honton ke saraab
Dasht-e-tanhai men
Doori ke khas o khaak tale
Khil rahe hain tere pahlu ke saman aur gulaab
Dasht-e-tanhai men
Ay jaan-i jahaan larzaan hain
Teri aawaaz ke saaye
Tere honton ke saraab

Dasht-e-tanhai men
Doori ke khas o khaak tale
Khil rahe hain tere pahlu ke saman aur gulaab
Uth rahi hai kaheen qurbat se teri saans ki aanch
Uth rahi hai kaheen qurbat se teri saans ki aanch
Apni khushbu men sulagti hui maddham maddham
Door ufuq paar chamakti hui qatrah qatrah
Gir rahi hai teri dil-daar nazar ki shabnam
Is qadar pyaar se ay jaan-i jahaan rakkha hai
Is qadar pyaar se ay jaan-i jahaan rakkha hai
Dil ke rukhsaar pih is waqt teri yaad ne haath
Yoon gumaan hota hai garchih hai abhi subh-i firaaq
Dhal gaya hijr ka din aa bhi gayi wasl ki raat
Dasht-e-tanhai men
Ay jaan-i jahaan larzaan hain
Teri aawaaz ke saaye
Tere honton ke saraab
Dasht-e-tanhai men
Doori ke khas o khaak tale
Khil rahe hain tere pahlu ke saman aur gulaab.