Wurzelbald Lyrics

De Wurzelbald lauft ganz langsam zu sim Stei
Dött isch er ganz elai dähai

Er het gwartet und gwartet und nünt isch passiert
Er het glueget und gloset und nünt isch passiert
Er het gschmeckt und gschnüffelet und nünt isch passiert
De Obig isch cho und denn isch's passiert

Früelig - s'allererschti Früeligsblüemli wachst langsam durch de Erderitz und chrüselet sapperlot de Wurzelbald gad am Nasespitz ...de Früelig isch endlich cho

Sommer - de allererschti helli gäli Sunnestrahl flügt durch de Wald und landet sapperlot uf em Nasespitz vom Wurzelbald ...de Sommer isch endlich cho

Herbscht - s'allererschti rot-gäl gfärbti Herbschtblättli flügt durch de Wald und landet sapperlot uf em Nasespitz vom Wurzelbald ...de Herbscht isch endlich do

Winter - s'allererschti wiisi chalti Schneeflöckli flügt durch de Wald und landet sapperlot uf em Nasespitz vom Wurzelbald ...de Winter isch endlich do