Mir dun et alles nur für Kölle Songtext

von Marita Köllner

1. Mir Kölsche speue kräftig in de Häng
Un wenn et sin muss zeigen mir de Zäng.
Dä Edelweißpirat, dä hät nit nur jeschwaad
Un uns Mädcher han us Trümmere en schöne Stadt jemaat.

Nit nur dä Tünnes un dä Schäl sin he zu Huss,
Nä wer einmal kölsche Luff jeschnapp hät
Will he nit mie russ.

Refrain
Jo, mir dun et alles, alles nur für Kölle
Un dat is jet, wo mir Kölsche stolz drop sin.
Jo, mir dun et alles, alles nur für Kölle
Denn söns kumme mir nit in de Himmel ren.

Für Kölle, für Kölle wo alle Minsche Kölsche sin.

2. Für kölsche Pänz bliev 3x0 is Null,
Dat liere se och hück noch in de Scholl.
Mir bruche keine Künning, un keiner dä jet säht,
Dofür han mir e Dreigesteen, die blieven op de Äd.

Mir bütze un mir singe hück op jede Melodie
Un mit de Johre weede he mir Kölsche immer mie.

Refrain