Ane Sang of the Birth of Christ Songtext

von Maddy Prior and the Carnival Band

I come fra hevin here to tell
The best nowells that e'er befell
To you thir tythings trew I bring
And I will of them say and sing.
To you this day is born ane child
Of Marie meik and Virgin mild.
That blissit bairn bening and kind
Sall you rejoyce baith hart and mind.

Lat us rejoyis and be blyth
And with the Hydris go full swyth
And see what God of his grace hes done
Throu Christ to bring us to his throne
My saull and life, stand up and see
What lyis in ane cribbe of tree.
What Babe is that, sa gude and fair?
It is Christ, God's Son and Air.

The silk and sandell thee to eis
Ar hay and sempill sweilling clais,
Whar thou greit glorious God and King
As thou in hev'n war in thy ring.
And war the warld ten times sa wide,
Cled ouer with gold and stanes of pride
Unworthie yit it were to thee
Under thy feet ane stule to be.

O my deir hart, yung Jesus sweit,
Prepare thy creddil in my spreit!
And I sall rock thee in my hart
And never mair fra thee depart.
Bot I sall praise thee evermoir
With sangis sweit unto thy gloir.
The kneis of my hart sall I bow,
And sing that rycht Balulalow.