Vergissi mi Lyrics

Ich schlan jetz dänn bald de bäcker toot
Wänn er mir nöd bacht mis knäckebroot
Will susch, ja susch vergissi mi

Chef, die stund verspötig isch doch nur es gspässli
Und wänn de witz nöd verstasch dänn hau der eis id frässi
Will so, genau so vergissi mi

Nei nei nei nei nei
Nei herr polizist das isch keis halteverbot
Und gits e buess, schickt si mis sackmässer zum herrgott
Will so, genau so vergissi mi

Für die wo mitem tüechli en ligestuel schob setzt händ
Besser nimmsch dis frottee mit, susch wirds eifach weggsprängt
Will so, genau so vergissi mi

Ich bin ja suscht eher es ruigers gmüet, bis mer
Wägem chlinschte seich wider d bire glüet
Und dänn, oh oh oh dänn vergissi mi
Es bringt mich eigentlich ja nüt us de rue, usser
De migros macht scho’m 5 vor halbi zue
Ja dänn, dänn ischs passiert, dänn vergissi mi

Ja mis mami hät gseit zu allne mänsche muesch immer nett sii
Aber letschtii sind tatsächlich paar brösmeli uf mim bett gsi
Also het si winen verletzte leu ufeme raubzug
Zum butzschrank und butzt black d matzratze miteme staubsug(er)
Au klug, hani dänkt, dasi mitem lärm znacht niemer störe, wär nöd de halb
Bettbezug verschwunde die röhre
Scho hani wider en roote chopf und riiss am liintuech
Während de nachbar ad wand chlopft und droht miteme findbsuech
Woruf ich also nume fiin fluech und de rescht
I mich inefriss und so guet schlaf wi imne zug wo eintgleist wägeme schineriss
Am morge frisch duscht
Ha de fruscht vode nacht guet verdrängt
Bis mis schicksal, wi scho zigmal is nöchschte puff inelänkt

Nei grosi bhalt din zweifränkler de schäbigi
Und holl der det hine dis eiget ichaufswägeli
Will suscht, ja susch vergissi mi

Lug das din hund de hufe wegmacht und zwar schnäller
Susch wirder witerbäle I minere mikrowäle
Will so, genau so vergissi mi

Ja wänn du bonz schowidr ufem trottoir parksch vorem versage
Musi mit mim schlüssel dini fahrertür verchratze
Will suscht, ja susch vergissi mi

Am sunntig morge teschtet de nachber sin verstärcher, doch
Für söttig fäll hanich en flamewärfer
Will suscht, ebe susch vergissi mi

Ich bin ja suscht eher es ruigers gmüet, bis mer
Wägem chlinschte seich wider d bire glüet
Und dänn, oh oh oh dänn vergissi mi
Es bringt mich eigentlich ja nüt us de rue, usser
De migros macht scho’m 5 vor halbi zue
Ja dänn, dänn ischs passiert, dänn vergissi mi