Es Drama im Pidschama Lyrics

Der Hubert, jo dä will
Uf gar kei Fall in ds Bett,
Der Papa süüfzged still:
"'S isch ds reinschti Kabarett!"
Der Hubert, jo dä isch
Es Drama im Pidschama,
Das seit au der Herr Frisch
Vor Praxis Psychorama.
Es Drama im Pidschama...

Der Hubert, jo dä sitzt
Am Fenschter und är seit:
"Zum wüsse ob's hüt blitzt,
Ob's rägnet oder schneit,
Ob d'Wetterbrichte lügend
Und ob der Mond scho rund,
Ob d'Wolke wiiter züchend,
Do bruuch I halt's paar Stund."
Es Drama im Pidschama...

Wenn ds Grossi kunnt und singt:
"Im Himmel hät's es Schoof,
Das glöckelet und bringt
En grosse Korb voll Schloof."
Denn pfuust der Hubert ii
Und träumt vor Wetterfrau.
Der Tag isch spannend gsii
Und d'Nacht isch's im Fall au.
Oh Grossmama im Pidschama...