St. Helvetia Songtext

von Kutti MC

I bi chli närvös, I stah ar Poschtoutohaltestell u binde mer d'Schuhe,
En alti Frou putzt sich d'Brülle, niemer luegt niemerem zue,
Erwartige löse sich ir Luft uf, I schnuff i, schnuff us,
Wär erwideret mi wortlosi Gruess?
I bi ds Bsuech bir d'Tante gsi, Guggisbärg, schöne Landstrich,
Ds Wätter bewölkt pedantisch,
öppis liegt ir Luft, was isch es?
Es isch nid nüt, aber ds wenig, Unzfriedeheit isch e Geischt, I bi si Körper,
Danke, das wär nid nötig gsi, yeah,
Läben ir Dütschschwiiz, isches das gsi? Säg, isches das gsi? ...

I fühle mi so schwiizerdütsch, so dütschschwiizerisch,
Mach ds Fänschter uf, d'Luft bliibt mer wäg: hhhh,
Läben ir Dütschschwiiz, isches das gsi? Isches das gsi? Isches das gsi? yeah yeah..

Es git Tage, da man I ds Meer nüme gseh,
Boue d'Alpe wieder uf, liese Zile im Rekrute-Singbuech,
Frisse Schoggi bis mir dr Chäs zu den Ohre us chunnt,
Klischees si gsund, verfluecht, Klischees si ungsund,
Schwiiz, du bisch keis Thema, aber I stah unger Zugzwang,
Tusigi Stiftige biete mir Gäut a, falls I mi usenandersetz mit mire Heimat,
Schwiiz, du machschmi so müed, itz zieh mi ine Kugelgrill zrügg,
Chlopfet nüme a, da inne blibi liege
Bis mi d'Helvetia persönlech am wieder wachküssen isch
U mir zu Ehre äs Fescht ire Mehrzwäckhalle ir nöchi vo Thörishus git, yeah,
Itz löt d'Korke la knalle:
Willkomme ir Feschthütte Schwiiz,
Itz häbet nech ade Feschtbänk fescht u schunklet aui mit,
U itz schunklet aui mir mit, bis es keis Halte meh git.

I fühle mi so schwiizerdütsch, so dütschschwiizerisch,
Mach ds Fänschter uf, d'Luft bliibt mer wäg: hhhh,
Läben ir Dütschschwiiz, isches das gsi? Isches das gsi? Isches das gsi? yeah yeah..

Ei Ougeblick, alles gwunne, alles verlohre,
I schieb mini Zunge I dini Ohre,
Schwiiz I befüechte di, dass du mir unschuldig erglüesch,
I bi gebore us dim Schoss Schwiiz, mini Schrebergarteliebi,
Du bisch alleinerziehend, hesch Millione vo Ching,
Wie viu Liebi blibt für eis übrig, für eis wie mi?
I stiegen usem Wouchemeer I ds Morgerot u hisse d'Flagge,
Aber weisch erscht, wenn ds Matterhorn ds Japan steit,
Wärdet dir merke, dass me ä Flagge nid cha frässe, ds isch Indianerweisheit!
Meh Heimatschutz aus mini Musig gits nid: Kutti MC,
Weisch hüt Namitag tröschte mi nume
D'Späckwürfeli im Röschtigrabe inne u I sitze am Fänschter
U verzwifle chli vor dine Husufgabe.

I fühle mi so schwiizerdütsch, so dütschschwiizerisch,
Mach ds Fänschter uf, d'Luft bliibt mer wäg: hhhh,
Läben ir Dütschschwiiz, isches das gsi? Isches das gsi? Isches das gsi? yeah yeah..

I fühle mi so schwiizerdütsch, so dütschschwiizerisch,
Mach ds Fänschter uf, d'Luft bliibt mer wäg: hhhh,
Läben ir Dütschschwiiz, isches das gsi? Isches das gsi? Isches das gsi? yeah yeah..