Wenn et schneit Songtext

von Klüngelkopp

Ich denk an fröher an die Chressnaach met uns zwei
Un mir weed klor, die Zick die ess ad lang vorbei
Ich luur bedächtig op de kleine Weihnaachsbaum
Dat met uns zwei, dat bliev för Ewig nur 'ne Draum

Un wann et schneit
Dann wör et schön, du wörst bei mir
Ich waat jespannt
Un luur vür Sehnsucht an de Düür
Die Zick verjeht un du bess immer noch nit do
Wat sull ich dun et ess ad su, wie jedes Johr

Dä Wind blöös rau, un kalt, dä Daach verjeht
Ich ston am Finster, luur eruus wat su passeet
Die Lückcher op d'r Stross, die han noch su vill vür
En ein paar Stündche steit dat Chresskind vür de Düür

Un wann et schneit
Dann wör et schön, du wörst bei mir
Ich waat jespannt
Un luur vür Sehnsucht an de Düür
Die Zick verjeht un du bess immer noch nit do
Wat sull ich dun et ess ad su, wie jedes Johr

Dä Baum, dä brennt, ich han die Musik anjemaht
En mingem Kopp, do seng ich vun d'r stillen Naach
Dat Bild vun Dir, dat hängk noch immer an d'r Wand
Nur du bess fott dat brenbk mich noch öm der Verstand

Un wann et schneit
Dann wör et schön, du wörst bei mir
Ich waat jespannt
Un luur vür Sehnsucht an de Düür
Die Zick verjeht un du bess immer noch nit do
Wat sull ich dun et ess ad su, wie jedes Johr