Wingrude T1 Samba Songtext

von Kasalla

Et jitt esu vill Autos zom fahre
Decke Karre zöm sich progiliere
Manche Mühl fällt fass ussenander
Un dä Oppa fährt Omma spaziere

Manche Lück bruche breite Reife
Andere wolle e Cabriolet
En Familich die bruch Kinderzitze
Un manche Kess sprengt Dir et Portmonaie

Ävver wenn ich janz frei wähle künnt
Mööch ich keine Maserati han
Ich wööd e ahl VW Büshe kaufe
Et komplett renoviere un dann

Hätt ich et Surfbrett om Daach un ne Schlofsack
Ne Jrill un en Jittar dozo
Un dann söß ich do en mingem Wingrude T1 Samba
Immer Richtung Bordeaux Dat Finster vürre künnt mer kippe
Un dat Logo blink en der Sonn
En de Radkappe künnst de dich spejele

Un ich wööd Wießbandreife dran dun
De Bänk met Ledder betrocke
Un statt Blinker ne Winker aan der Sick
2 farbig lackeet un e Faltdach
Un der Motor bollert em Heck

Kein Airbag, kein Navi, kein Klima
Kein Xenon un kein ABS Nur dä Jeruch vun Benzin un vun Freiheit
Un dä Zuch vun veezich PS
Et Surfbrett om Daach un ne Schlofsack
Ne Jrill un en Jittar dozo
Un dann söß ich do en mingem Wingrude T1 Samba
Immer Richtung Bordeaux - oho

Un durch 23 Finster
Schingk de Sinn deef vum Ozean erin
Un ich jläuf en däm Moment merkste wie et es endlich aanjekumme zo sin
Un sitz ich och nur en der U-Bahn dann maach ich de Auge zo
Un dann sinn ich mich en mingem Wingrude T1 Samba op däm Wääch noh Bordeaux