Saach jestern op widdersinn Songtext

von Kasalla

Han ich nit jestern eets laufe jeliert
De mamm die los ovends jeschichte met mir
Beim papp op d'r scholder han ich rigge jespillt
Un luur do ich om rädche su klein un esu wild

Jestern noch hat ich de schulltüüt em ärm
Em winter saukalt ävver zo hus wor et wärm
Onkel rudolf als weihnachtsmann han ich treck erkannt
All de bilder vun domols hänge jetz an d'r wand

Und hück sitz ich he und denk manchmol zeröck
Manchmol hat ich pech jehatt ävver miestens vill jlöck
Und wie ich dat foto och wend oder drieh
De zick do drop jitt et nit mieh

Saach jestern op widdersinn
Maach et jot do Schöne zick
Manchmol jing se langsam
Un manchmol esu flöck
Doch ejal wo et hinjeit et kütt nix zeröck
Saach jestern op widdersinn
Maach et jot do Schöne zick
Manchmol janz einfach un manchmol esu schwer
ävver morjen es jestern ald iewig lang her
Ich saach jestern op widdersinn. . .

Wor ich nit jestern eets zom eetste mol verlieb
Han mi levve drop jeschwore dat et nur die eine jitt
Drei jebroche hätze späder jet janz anderes verzällt
Zo d'r allerbeste frau op d'r welt

Un jetz sitz dat kleene op minger scholder un rigg
Dä spiejel die drecksau zeich mer jede daach de zick
Minge beste fründ spillt der weihnachtsmann hück
Dä zeijer dä drieht sich esu flück

Und hück sitz ich he ben noch lang nit am eng
Un ich nemm jede aurebleck als e jeschenk
Denn wie ich dat foto och wend oder drieh
Die zick do drop jitt et nit mieh

Saach jestern op widdersinn
Maach et jot do Schöne zick
Manchmol jing se langsam
Un manchmol esu flöck
Doch ejal wo et hinjeit et kütt nix zeröck
Saach jestern op widdersinn
Maach et jot do Schöne zick
Manchmol janz einfach un manchmol esu schwer
ävver morjen es jestern ald iewig lang her
Ich saach jestern op widdersinn. . .

Jeder daach un jede naach sin injebrannt deef in ming hand
Un dat wat passeet es draach ich en mingen hätz
För immer vun jetz bes zo letz

Saach jestern op widdersinn
Maach et jot do Schöne zick
Manchmol jing se langsam
Un manchmol esu flöck
Doch ejal wo et hinjeit et kütt nix zeröck
Saach jestern op widdersinn
Maach et jot do Schöne zick
Manchmol janz einfach un manchmol esu schwer
ävver morjen es jestern ald iewig lang her
Ich saach jestern op widdersinn. . .