Jode Morje Kölle Songtext

von Kasalla

Et es fass schon Daach
Ävver ich ben noch wach
Sitz he un waad op de Bahn
Un luur dich einfach nur aan

De Stroßefäjer sin ald do
Dä Räss vum Fess weed wegjefääsch
E paar I-Dötzche mache sich
Zo Foos op dä Schulwääch

Et Büdche määt op, et jitt Kaffee un Express
Un an der Ladezoon waad schon die eetste Politess
Ich nemm ne Becher op de Hand
Setz mich am Rhing op en Bank
Un zäll die Welle

Schöne jode Morje, Kölle

Dä Pennbroder do will mir en Querkopp verkoofe
De Mamm stillt et Kleen, ne Dackel hät sich verloofe
Du häs esu vill Jeseechter, Schatte und Leechter
Bes hässlich un schön, ne junge Stenz, en ahl Möhn

Un all die Bedrömte soße schon all he op dä Bank
Met Jittar un Aktetäsch - Bänker un Punk
Un irjendwie häs due jeschaff
Dat se all op dich stonn
Vür dir muss sich keiner verstelle

Schöne jode Morje, Kölle

Ich wor ald en Bangkok, en Rum un Berlin
Wor en Fronkreich un en Spanien, en Vegas un Wien
Ävver ejal, wo ich opwach, ejal, wo ich ben
Die Nodel vun mingem Kompass
Zeich immer zo dir hin

He ben ich jeboore, he künnt ihr mich bejrave
Met Blömcher, Kranz un Kamelle

Schöne jode Morje, Kölle

(Dank an Flo für den Text)