Faulmiad Songtext

von Herrn Stumpfes Zieh- und Zupfkapelle

's gibt so Dag wo ma aufwacht ond denkt sich: "Heit will I net"
's gibt so Dag wo ma aufwacht ond secht: "Heit bleib I em Bett"
I bleib heit oifach liega

Eigentlich sodd I jetzt ganga bloß draußa isch's no net hell
A bissle no, des wird schon langa, ond nochher mach I halt schnell
I bleib heit oifach liega

I ben doch ganz gwieß entbehrlich, heit breng I eh nix rechts no
Der Dag wär sicher arg gfährlich - ond I schdragg grad so schee do
I bleib heit oifach liega

Jetzt fangt'S au no o soicha! Pfui Deifel, des isch doch net schee
Wahrscheinlich dät's eh nemme roicha. Mei Hals duat glaub au a weng weh
I bleib heit oifach liega

Mei Blick fällt auf da Kalender, ond do trifft mi schier dr Schlag!
Heit isch dr erschda November ond dronder schdoht Feierdag.
No bleib halt oifach liega
No bleib halt oifach liega...