Tänzer Songtext

von Hecht

För dech ben i de tesch, för dich ben i de schtuehl
För dech ben i dini neue rote schue
Dine letschti tanz, din goldige schoss
Ech bi das happy end wo du bruchsch am schloss
De sproch wo alli müend fascht chotze vor lache
Wo d'chatze uf de Dächer lönd zom affe lo mache
De Tänzer wo du emmer, scho emmer hesch welle
Wo pirouette dreiht bis nömm chasch zelle
De churzhooschnett wo no guet usgseht

Jetzt hätt i d'chance der öppis guets z verzelle
Irgend öppis wo chli glöcklech macht
E schöni gschecht wo's nonig ged
Si muess verhebe för die einti nacht

Ech be de goldigi fesch wo der e Kosename ged
Wo ufem rögge schemmt wenn der langwilig esch
Dini heldebroscht ohni angscht uf verloscht
Breng ech der usem schlachtfäld e bluemestruus
D dankensred för de oskar:
"Baby ohni dech wär das nie machbar"
Dä tellerwäscher wo nömm abwäscht
Wo der d'wält erklärt mitem kafiräscht
Ond all das ben ech nor för dech

Jetzt hätt i d'chance der öppis guets z verzelle
Irgend öppis wo chli glöcklech macht
E schöni gschecht wo's nonig ged
Si muess verhebe för die einti nacht

Die ganz nacht hellwach
Sie muess verhebe för die einti nacht
Die ganz nacht hellwach
No chli hebe för die einti nacht
Die ganz nacht ei schlacht
Sie mues verhebe för die einti nacht
Die ganz nacht hellwach
Vellecht öppis wo chli glöcklech macht