Sjloetingstied Songtext

von Gé Reinders

De greunteboer haolt zien kieste binne
De serveerster dreugt de parasols van 't plein
Bie de breudjeszaak zitte ze de laeg doze boete
De ober sjtapelt de sjteul in sjtaepelkes van veer netjes opein
De juwelier leut zien zjaloezie langsaam zakke
Weer neet väöl verdeend vandaag, zaet t'r
Taege de sjlechter van dao naeve, maar dae mót lache
Want de sjlechter wit waal baeter
Vief-op-zes, 't is good gewaes
Veur gaon noe 'nae' verkoupe
Morgevreug óm nege oer
Moge ze veur mien paart de deur oet de hingsels loupe
Gaer zelfs, maar noe neet
Want 't is sjloetingstied
Doot de tent maar toe

Drei de sjleutel in det sjlaot
Veur vandaag is 't gedaon
De op-ein-nao-letste klantj vreug: maedje kiek ins,
Wie groot is de sjaaj
De vroue van 't café telt de sjtreepkes op
De muziek sjteit oet, 't leech sjteit aan,
De sjteul sjtaon al op de taofel
En de letste klantj zelf sjteit auch al bienao op ziene kop
Kwart op drie, 't is good gewaes
Veur gaon sjloete
Hoogste tied, politie te paard, dalik kaer ich uch
Nao boete
Kom jonges
Zoep oet!
Want 't is sjloetingstied
Doot de tent maar toe
't Is tied óm nao hoes te gaon
Sjloetingstied
Drei de sjleutel in det sjlaot
Veur vandaag is 't gedaon