M'han ciamàa Songtext

von Enzo Jannacci

El pioveva da tri dì;
S'eri in caa coi mè dolor…
M'ann ciamaa de la ringhéra
Perché i gh'era giò du sciuri per parlamm … a mì?! Me sunt mess sù el tirasàss,
Ho comenciaa a andà giò d'i scal…
E hoo sentì quei oeucc su la mia sc'ena:
Ho capì l'era per ti!

L'Ispettor l'era on brav'omm;
El savéa no 'me comincià:
"…sò disgrazie 'e chill'ambiente,
Voi sapete…" ma s'te voeuret savé cosa?

Semm 'rivaa a destinasion,
De ‘dree mì, davanti lor;
E t'ho vista smorta de fà compassion
Ai sass… sott' un brutt lenzoeu bianch!

E te s'eret pròpi tì…
Hoo sentii strengiom el coeur:
Stess cavéj; la stessa bocca granda,
El stess fà de toeu in gir semper la gent!

E m'hann ditt che t'han trovaa
T'han trovada su i bastion…
Mi, gh'hoo ditt che l'è no vera:
Che te s'eret minga ti!