Bling bling Songtext

von Doppelganger

Es stürzt no mänge vom schiene und glänze
Voll bländet vom gländer und endet
Ohni s'eigene blatt jemals z'wende

I warme arme vo menschefänger
Wo plakatwänd säget was mer denket
Wo fernsehsender freiheit sendet

Jungi fraue gebet blind de körper her
Als wärer tupperware, bling bling
Stieget I auto und dökterlet

Lönd bruscht vergrössere, verschönere
Ide hoffnig das öpper sie fötelet und förderet

"sammy" bitte weck mich uf - vo dene alpträum
Denn d'lüt gsehnd de wald nüme - vor luter bäum

Lebed alltag, nume für de zahltag
Füehret de zum altar, bis de tod sie gah laht

Merket spaht, das mers bling bling im sarg laht
Wenns denn würkli abgaht, zum himmel waartsaal

Langets für viel halt nume no für e taalfahrt
Aber das isch nebedsach solangmer gsund im lebestaht

REF:
Uf diamante wachst nüt
Doch ufem mischt wachset rose
All dis bling bling nützt dir nüt
Also check de scheiss - du scheiss poser

Du träumsch vo limousine
Und champagner zum ahstosse
Doch uf diamante wachst nüt
Nur ufem mischt wachset rose

2. STROPHE:
Schupf mi nöd, will ich stah so nöch
Bim abgrund ich probier das ich de chopf nöd verlür
Haha haha

Es isch wie im dschungel mängisch nimmtsmi wunder
Wenn gömmer alli under - wie de gölä han au ich

Staub ide lunge und dreck uf de zunge
Es isch en kampf da usse doch dhänd sind eim bunde

Bösi macheschafte mached mer zschaffe
Und bitte chömed mer nöd ständig mit de gliichige phrase

Vo wäge: was cha scho eine allei degäge mache?!
Vielicht d'auge ufmache - und s'hirni ihschalte

Würd gern de ospel ahstelle zum eu all entlah
Wieso denket ihr isch eus sogar chile egal - bling, bling
Sicher nöööd will mer nüme a gott glaubet
Sondern eifach nüme eune verlogene wort trauet

REF

Zwischenteil:
Beschti fründe werdet zu de gröschti feinde
Wegem bling bling, wegem bling bling
Striitendi familie chammer nüme vereine
Wegem bling bling, wegem bling bling
Mensche machet chrieg nume wegem einte
Wegem bling bling, wegem bling bling

Isch gliich wieviel me scho het, me wet nochli meh meh -
Jeh me bling bling desto meh problem plem

REF